Norrænt samstarf

Norrænn stórfundur á Borgundrhólmi

Formaður tók þátt í norrænum stórfundi systursamtaka Fjölís á Borgundarhólmi 15.-17. júní 2011. Á fundinum gerðu fulltrúar samtakanna grein fyrir starfseminni á árinu auk þess sem fluttir voru fyrirlestrar um rafræna útgáfu, meðferð réttinda í einkageiranum og fleiri efni. Næsti norræni stórfundur verður haldinn í ágúst.

 Heimsókn til KopiNor

Framkvæmdastjóri heimsótti systursamtök Fjölís í Osló dagana 25.-27. janúar 2012 til að fræðast um starfsemi þeirra og samninga við innlenda aðila. Fram kom að flestir þeirra samninga byggja á könnunum sem gerðar eru, ein á hverju samningstímabili. Þá var farið vandlega yfir aðferðafræði kannana, samskipti við samfélagið og samninga við systursamtök erlendis.

Alþjóðlegt samstarf

Aðalfundur IFRRO

Heimsþing  IFRRO var haldið í Slóveníu 24.-27. október 2011. Formaður stjórnar sótti fundinn. Formaður tók þátt í aðalfundi IFFRO og sat fyrirlestra um breytingar í alþjóðlegu lagaumhverfi innheimtusamtaka, nýjar aðferðir við útgáfu og dreifingu námsefnis í stafrænu umhverfi og fleiri áskoranir sem mæta rétthafasamtökum í nýju umhverfi.